Sent með GSMbloggi Og Vodafone

Sent með GSMbloggi Og Vodafone

Og ég sem ætlaði að vera svo jákvæður, fór meiraðsegja áðan að hlusta á FM957 eins og hver annar hauslaus. Reyndar kom það mér á óvart hversu óþægilega þægilegt er að hlusta á þessa stöð... hún hefur alltaf verið í hinu liðinu hvað mig snertir... mér líður alltaf eins og ég sé að brjóta einhverja reglu þegar ég hlusta á (þó ekki sé nema heilan tón). En maður bara slekkur á hausnum, hættir að hugsa og lætur sig líða inní heim þar sem sílíkon brjóst og stingandimagavöðvar eru staðalbúnaður og það að vera á móti er álitinn vera bara eitthvað blablabla. Viti menn þá er þetta bara svona.... já ekkert svo slæmt EN maður verður að passa sig því eins og ég skrifaði áðan þá þarf maður að slökkva á hausnum á sér. Það er aldrei gott að hætta að hugsa... varðandi magavöðvana og gervibrjóstin (sem reyndar fær mig til að hugsa um af hverju fólk er svona opið fyrir því að stúlkukindur útum allt eigi rafknúin gervityppi og noti þau óspart til að fullnægja frumstæðum þörfum en en en þegar strákur á gervipíku úr fínasta plastflaueli eða hvað sem notað er er er er hann álitinn vera algjörlega óður (reyndar hef ég aldrei komist í þessa umræðu [við annann en innanfullan heilabörkinn á mér] en ég svona reikna mér til um að þetta yrði niðurstaðan)) þá verð ég að segja að þeir eru bara allt í lagi....... allavega magavöðvarnir veit ekki með gervibrjóstin.... væri ekki hægt að genabreyta fólki bara þannig að öll fita safnaðist saman í brjóstunum á kvenkyns kynlífsmaskínum í staðin fyrir að skapa slappa handleggi og kallbrjóst???

Magga benti okkur á tengil á gaur sem klárar Super Mario Bros 3 á 11 mín endilega kíkið á hann...

Þessi er helvíti góður kannski of góður blikk blikk... ég man þegar ég kláraði leikinn þá náði ég alltaf í p vænginn líka til að sleppa við öll þessi hopp í seinna svarta borðinu og svo synti ég alltaf í fyrra svarta borðinu í vatninu fyrir neðan átökin... góð leið hjá honum að ná svona í aukalífið í lokakastalanum og í gegnum vegginn ég fór alltaf leiðina niður og upp aftur á þessum stað. Þvílíkur staður til að drepa lokakallinn alveg upp við hann... hann getur ekki hreyft sig... bravó

Nei nei nei hvað er fólk að spá? Þegar það lætur bara hringja einu sinni. Eins og það ætlist til þess að síminn sé einhversstaðar utan hljóðfæris og maður sjái 1 missed call á símanum allt í einu og hugsi með sér ohh hvað þessi var góður að reyna að hringja í mig... best ég hringi í hann til baka blessaðan kallinn/blessunina.............. neineinei það sem ég hugsa er GYÐINGUR, djöfulsins nískupúki og hauslaus mannfjandi...

Þegar ég fór í ræktina í dag rann upp fyrir mér að núna um mánaðarmótin rennur kortið út... hmm næst er World Class aldrei að vita nema það komi betur út varðandi hreinlætið. Annars er Sporthúsið alltaf að bæta sig en lengi má gott batna málið er bara arkitektúrinn á pleisinu. En ég er samt búinn að ákveða það núna að hætta að kvarta og kveina og beina sjónum mínum og kröftum að því sem gott er eins og Hnakkinn gerir.

Skonrokk komið á netið!!!

Svo vantar mig svona 04 límmiða til að láta á númerið á bílnum hjá mér? Veit einhver hvar ég get fengið svoleiðis???

Swindon gerði jafntefli við qpr 1-1 í síðasta leik, Sam Parkin skoraði...

Eins og alltaf var ég með myndavélina mína í töskunni í gær... vegna þess að það er aldrei að vita hvenær eitthvað myndefni leynist í nágrenni mínu...... í gær sá ég merkilegan hlut sem ég ætlaði að gera mikið úr en viti menn... gleymdi ég ekki batteríinu í hleðslu heima.... svo engar myndir gat ég tekið en nú hef ég lært af reynslunni og mun passa þetta.

http://www.picturetrail.com í tómu rugli...

Svo er ég líka Fight Club

Það er svo gaman að svona dóti... Maður kemur alltaf svo vel út...


You're just the happy go-lucky type. You might have
your pet peeves, but other than that, you're
mainly calm. Blending in with your
surroundings, you're the type of person who
everyone likes. Usually it's you who cracks
jokes at social gatherings - after all,
laughter is the best medicine. Sometimes you
pretend to be stupid, but in all actuality, you
could be the next Einstein.


What Type of Soul Do You Have ?
brought to you by Quizilla

En þegar ég kom útí þennan yndislega bíl minn þá gerðist þetta…
Ég opnaði bílinn og þá hrundi snjórinn inn á sætið
og fokk þá varð ég pirraður
mokaði hann út
svo geymi ég flísvettlinga í bílnum
svo mér var kalt þegar ég fór í þá kalda
svo skóf ég
eftir að hafa startað bílnum og
þegar ég ætlaði að leggja af stað fattaði ég að ég hafði ekki læst uppi
svo ég þurfti að fara útúr bílnum og inn í stigagang og læsa
en þá
komst ég ekki útúr bílnum
því að samlæsingin var frosin og virkaði ekki
svo ég þurfti að fara út farþegamegin
skondin sjón
ég hefði átt að taka mynd
svo komst ég ekki inní bílinn þegar ég kom til baka því að það var einhvernveginn allt frosið
svo ég þurftir að hjakka á læsingunni og rífa bílinn upp
ég hafði lagt á miðjum veginum svo það voru 2 bílar stopp fyrir aftan mig og biðu eftir að ég kæmist í bílinn
þegar ég loks komst inn
startaði helvítis bíllinn ekki
fyrr en eftir dágóða stund
svo var svo mikill snjór að ég rétt dreif af stað
og hálkan maður fokk þó ég sé á nagladekkjum
þá rann ég talsvert til
svo að þrátt fyrir frábæran morgun náði bíllinn að eyðileggja allt
en ég er glaður núna

Svo fór ég náttúrulega í bað fyrst stemmingin var svona. Passaði bara að vatnið væri nógu heitt og gvöð það var svo afslappandi. Ég ætlaði að fá mér sápu þegar ég tók eftir því að einhver hagkvæmur hafði vatnsblandað hana til að drýgja hana, ég hata svoleiðis þá fær maður kaltvatn yfir allan lófann í staðin fyrir þetta mjúka krem. Síðan sofnaði ég næstum meðan ég beið með hárnæringuna í hárinu.

Núna get ég varla beðið eftir að geta skafið bílinn minn, ætla að klæða mig vel og taka langann tíma í það. Láta bílinn ganga á meðan svo hann verði heitur þegar ég tek af stað...

Aaaa hvað það var gaman að vakna upp eins og gamalmenni klukkan 8:24 bara af því ég þurfti að pissa. Ég staulaðist inná baðherbergi og skoðaði mig í speglinum eftir losun. Á leiðinni til baka hugsaði ég með mér... „ég er þyrstur“ ... svo ég fór inní eldhús þar sem pabbi var að býsnast yfir Sigurði Einarssyni en líka helvítinu honum Davíð, meðan hann las blöðin. Unaðsleg kaffilykt útum allt og hjónabandssæla á borðinu. Ég fékk mér vatnsglas og sá allan snjóinn hugsaði þá vá hvað það væri gaman að labba úti núna í góðri úlpu, eins og ég komst seinna að að Bó hafði verið að gera á þessum tíma. Eftir vatnsglasið ákvað ég að sofa lengur og snerti því ekki á hjónabandssælunni. En í staðinn fyrir að sofna lá ég bara og lét mér líða vel undir sænginni sáttur við að þurfa ekki á fætur. Svo kveikti ég á Rás 2 og hlustaði á útvarpsmanninn Gest tala við einhvern sem hafði fest bílinn sinn á Þorskafjarðarheiði og björgunarsveitarmenn í Króksfjarðarnesi hefðu dregið hann út svo hann komst á fund með bændum á Hólmavík að kanna internettenginar þeirra. Algjör snilldarmorgunn svo ákvað ég að stilla á Skonrokk þar sem Birgitta var í viðtali við Zombie og ég held bara að ég hafi ekki verið alveg vaknaður því ég fékk hausverk á að hlusta á þau tala (kannski af ég þurfti að hugsa á meðan) svo ég skipti bara aftur yfir á Rás 2 og lét mér líða vel yfir lögum um ástina og blómin. Eftir einn og hálfan tíma af svefnvökuhlustun á útvarpið fór ég að hugsa um þessa hjónabandssælu sem beið mín. Ég fór aftur fram, skellti mér í inniskóna, Svarthöfðabuxurnar, bol og peysu. Byrjaði að lesa blöðin eins og ég geri alltaf á meðan ég borðaði Cheerios með léttmjólk og Egils eplaþykkni blandaða í vatn í stórt kókglas, ég keypti tylft af þeim á 390 í Bónus hér um daginn. Muldi sæluna og renndi yfir fréttirnar á milli þess sem ég horfði á snjóin úti og reyndi að vakna almennilega... Þessi morgun er bara sá besti í þessum flokki.

Gaman þegar snjóar svona, maður getur byggt snjóhús og farið í stríð við einhvern. Hnoðað 100 snjóbolta til að eiga í birgðastöðinni. Farið í sendiferðir í önnur snjóhús og komið af stað stríði. Leikið sér úti þangað til puttarnir verða hvítir... ef maður væri 10 ára.

Andri ætlaru að draga það framyfir próf að laga bílinn minn?

Á föstudeginum var fundur í sælkeraklúbbnum sem varð að djammi áður en maður gat ákveðið að hafa bílinn ekki á Lækjartorgi. Enda vaknaði ég nokkrum mínútum eftir að ég kom heim, tók strætó niðrí bæ og bjargaði Mözdunni frá skítugum miðbæjarrottum og stöðumælavörðum. Keypti mér reyndar verstu pylsu sem gerð hefur verið, í strætósjoppunni, ég náði bara einum bita sem ég reyndar skilaði á sorpniðurgrafelsið á Álfsnesi eða hvar sem þessir niðurgröfnu geymslur eru!

Afmæli um helgina hjá Elsu uppí einu úthverfa borgarinnar. Vægast sagt mjög gaman, svona eiga afmæli að vera... aldrei dauður punktur... Verðlaunaafhendingar og aftur verðlaunaafhendingar. Allir fengu númer og mitt var „dregið“ út úr pottinum svo ég fékk að taka þátt í leik sem Bára vann mig í á sannfærandi hátt. Annars var svo mikið í gangi að myndirnar skulu fá að tala sínu máli. Ég þakka kærlega fyrir þessa frábæru skemmtun. Svo var farið í bæinn á alla helstu staðinu og töluðum við okkur inn á staði sem löngu var búið að loka.. Niðrí kvos hitti ég hana Eddu það var gaman hún var hress. Á einu augnabliki sýndi ég örtakta sem ekki samræmast fyrirsætuútliti mínu og veraldarvönum klæðnaði en þá tók ég bara uppúr vasanum tyggjó og allt varð slétt. K**** F***** C****** borðað daginn eftir, til að tryggja vel smurðar æðar fyrir komandi átök. Einnig var túristinn tekinn á nýtt plan.

Sent með GSMbloggi Og Vodafone

Sent með GSMbloggi Og Vodafone

Fréttir Jóns Míns;

Það er búið að loka á picturetrial aðganginn minn. Það sýður á mér.... URRRRG Reyndar er bara búið að loka á http://www.picturetrail.com/jonminn1 en það er sama þeir eru bara leiðinlegir og eiga skilið að rotna í helvíti. Þessir Picturetrial gaurar ætli þeir reikni sér ekki líka 300 milljónir í kaupauka eins og Sigurður Einarsson og Hreiðar Már Sigurðsson. ÉG er að hugsa um að skipta um þjónustuaðila....

Það er aldeilis hávaði útaf þessum kaupauka. Kaupþing Búnaðarbanki reynir hvað hann getur til að láta þetta líta vel út. Þeir taka fram að sjóðir (s.s. viðbótarlífeyrissparnaður, lífeyrissjóðir og aðrir sjóðir í eigu einstaklinga) eru sjálfstæðar eignir og hafa því kaup og kjör starfsmanna bankans enginn áhrif á ávöxtun sjóðanna eða eign viðskiptavina í þeim. Þar að auki sé þessi hagnaður þó í hendi sé ekki innleysanlegur í 5 ár. Bankinn er alþjóðlegur banki og miðast launakjör við alþjóðlegan markað. Mér finnst gott hjá Davíð að taka út fjögurhundruðþúsund í K.B., enda það eina sem neytandi getur gert í þessum heimi sem hann hefur stofnað til.

Þá er ekki fleira í þættinum í kvöld... veriði sæl....

Var áðan að útað keyra, beið á gatnamótum eftir að bíll keyri hjá svo ég geti farið inná akreinina en nei þá beygir helvítið, með opinn glugga, til hægri!!! ÉG var ekki sáttur! Ég beið semsagt til einskis í allavega fjórar sekúndur! Svo ég öskra á hann STEFNULJÓS, maðurinn lítur skelkaður við í sömu andrá og er greinilega brugðið! Kannski hljóðeinangrunin sé líka í ólagi á Mözdunni, ég bæti henni á listann. Andri, þú þarft að laga hljóðeinangrunina! Annars er bara fínt fólk heyri í mér öskra ef flautan hættir að virka aftur.

http://www.picturetrail.com er dáið! ég get allavega ekki látið myndir þangað inn né skoðað neinar myndir sem ég hef látið þangað - í augnablikinu.

Eftir að hafa drukkið þrjá hálfslítra brúsa af óblönduðu vodka hvern á eftir öðrum, varð Alexander Nakonetsjní bráðkvaddur, samt fór hann með sigur af hólmi í vodkadrykkjukeppni í rússnesku borginni Volgodonsk um helgina. Gott að fá að vita hvar þessi lína liggur í drykkjunni (milli lífs og alvöru dauða), nú getur maður passað sig.

Fór áðan að skipta um dekk og fokk ég hélt að gaurarnir myndu úrskurða að þar sem dekkið hafði farið undan (á Vestfjörðum) væri bíllinn ónýtur og til einskis að láta vetrardekk. Svo kæmi löggan og kærði mig og ég myndi missa bílinn, ég var að hugsa um að hóta þeim að láta bílinn niður og keyra í burtu áður en þeir byrjuðu (en þorði það ekki). Ég fylgist með þeim taka út nagladekkin og skoða þau, þá óttaðist ég að þau væru ekki nógu góð fyrir reglugerðir og aftur var ég næstum búinn að skipa þeim að lækka bílinn áður en þeir seldu mér sóluð dekk (en dekkin voru víst í lagi). Svo borgaði ég bara minn hlut, með einkaklúbbstilboði nota bene, og yfirgaf svæðið skrensandi og dekkin eru bara mér til gleði nógu góð, sjö, níu, þrettán.

Hvar fær maður ókeypis fasta ip-tölu???

ÉG var í röð til að komast inná Prikið um helgina. Þegar dyravörðurinn sér hvað ég er fallegur og með stinnan rass, og hann hóar í mig og segir mér að koma framfyrir til að hleypa mér sem fyrst inn. ÉG er nú bara sáttur við svona afgreiðslu og það er greinilegt að ég mun fara oft á Prikið.

Eins og gestir og gangandi hafa tekið eftir þá hef ég fengið æði fyrir þessum hljóðskrám sem maður setur inn en örvæntið ekki þeim verður komið haganlega fyrir í framtíðinni svo fólk þurfi ekki að skrolla lengi lengi til að geta lesið samanbundinn texta.

Við viljum ekki gamla manninn

Hingað eru allar hljóðskrár komnar

Svo sel ég líka bílatryggingar, heimilistryggingar, sjúkdómatrygginar, líftryggingar, slysatryggingar og að sjálfsögðu sparnaðinn, auk annars sparnaðar!!!

Á leið minni um bæinn í gær rakst ég á þessa röð af fólki...ég spurði þau hvað þau væru að gera og allir voru víst að bíða eftir því að klukkan yrði 9 næsta dag. Ég sagði ok af hverju geriði það hér? Þau svöruðu af því að við erum svo vel staðsett þá þegar búðin opnar þá getum við keypt miða á Muse tónleikana sem er ógeslega frábært! Ok sagði ég og tók milljón myndir af liðinu.

ÉG vil minna þig á að Jón Minn er þinn viðbótarlífeyrissparnaðarsölumaður. Svo sendu mér sms eða email og ég geng frá öllu fyrir þig!

Ég set þetta inn vegna þess að fólk vill greinilega hafa sölumenn í öllum hornum. Framboð, Eftirspurn, Kaup og Sala. Ég er einungis að sýna fram á framoðið er í gegnum mig. Svo lifiði líka lengur ef ég sel ykkur…

ÉG er ekkert sjálfselskur bara soldið stoltur!
Ég er ekkert hálfviti bara soldið heimskur!
ÉG er ekkert orðheppinn bara soldið málglaður!

Þegar ég var að hreinsa lyklaborðið og músina hjá mér í vinnunni fór ég að hugsa um hvort ég væri eitthvað meira sýklahræddur en annað fólk, mér finnst ekki. Ég vill kannski ekki skrúfa tappa af gosflösku aftur á eftir að hafa misst hann á gólfið, en hver vill það svosum. Ég nuddaði skítinn af tökkunum af lyklaborðinu með blautri eldhúsþurrku eftir að hafa látið sótthreinsandi sprey á það og tók tölurnar extra vel því ég nota þær svo mikið í vinnunni svo tók ég Enter takkana sérstaklega fyrir sem og bilslánna. F5 og F12 eru mikið notaðir og þess vegna þreif ég þá með krafti. Ég tók líka eftir að a-ið var orðið frekar skítugt og j-ið og f-ið og komman sem maður lætur á ó, é, á, í og soleiðis mikið notaðir stafir. Mikið verk að þrífa Ctrl, Alt og Delete takkana Microsoft hefur séð til þess. Nú svo sneri ég mér að músinni og tók skroll takkann allan hringinn og báða takkana af alúð. Svo þegar þetta var búið leið mér frábærlega svo ég fór á klósettið og notaði neðaná sólanum af inniskónum til að lyfta setunni(því oj bara ekki nota ég höndurnar til þess) svo eftir notkun sparkaði ég setunni niður aftur með sólanum og sápaði höndurnar extra vel og notaði sólann til að skrúfa fyrir vaskinn enda búinn að þrífa höndurnar. Í staðinn fyrir að nota handklæðið við hliðina á vaskinum opnaði ég skápinn (efst, ekki handfangið) og náði mér í glænýtt handklæði úr bunkanum sem er þar inni. Svo opnaði ég hurðina með handklæðinu henti því inní skápinn, sparkaði skáphurðinni aftur með sólanum og labbaði út. Stoppaði við vatnsvélina og notaði hnúann til að fá mér vatn því ekki notar maður fingurgómana kommon. Þá var ég loks tilbúinn til að setjast við hreina lyklaborðið og músina mína og halda áfram að vinna.

Kaffihús, sem ég hef aldrei farið á varð fyrir valinu í kvöld. ÉG vissi ekki að ég væri svona vanafastur en mér leið ekki vel á þessu nýja kaffihúsi reyndar meðgestir fínir enda um að ræða OD og B, en mér líkaði ekki við alla þessa umframgesti. Eftir langa viðdvöl endaði ég að sjálfssögðu á Kofanum enda er þar best að vera og ég kann vel við mig þar. Sog ók ég heim enda komin vel í það. Fór í nettan Schumacher gír og brunaði heim uppí ÁRBÆ.....

Oddný er komin í bæinn, hlakka til að sjá hana.

Annars ryksugaði ég bílinn minn í dag og vá hvað það er gaman að keyra um á honum svona hreinum...... eins og þetta sé nýr bíll.

Helvítis Félagsmálaráðherra er að rústa öllu. Getur maðurinn ekki bara drullast til að setja lög um þessi 90% lán, af eða á!!!!! Þessir Framsóknarmenn skulu brenna í helvíti eftir dómsdag. Segja eitt og gera svo bara eitthvað allt allt annað eða ekki nokkurn skapaðan hlut jú eða þeir bíða bara og sjá til.

Ég er kominn með sár á hnúann. ÉG þarf nefnilega að kýla í hurðina á bílnum mínum til að komast útúr honum. ANDRI þú þarft að laga bílinn minn aftur. Svo er samlæsingin ónýt

Eldóradó virðist vera ágætt land. Ég væri til í að búa þar

BÖ er í Bandaríkjunum.

Maradonna er á Kúbu.

Fór í ræktina áðan - oooo hvað það er gaman að fara í ræktina

Vestfirðir - seinni ferð, mjög fallegar myndir!

Sísí fríkar út

Þeir sem vilja ekki lesa um alla Matrix myndina skulu hætta að lesa hér...

Það var semsagt snilldarferð í bíó um daginn á MATRIX. Myndin byrjar á því að Agnar spyr mig hvernig síðasta mynd hafi endað og við hlægjum eins og vitlaus værum og bíógestirnir elska okkur. Já Keanu Reeves er víst sofandi og fastur á lestarstöð inni í hliðarforriti Matrixins og hittir þar forrit sem eru að koma stafrænu forriti undan, en öll eru þau í líkama Indverja. Lestarmaðurinn (the train man) er að drífa sig að ná í þau fyrir frakkann, sem á konuna með stóru brjóstin(sem lék í Kill Bill), Morpheus og leðurklædda þrenningin ásamt ninja kínverjanum reyna að stoppa hann en hann er með skammbyssu og nær að stinga þau af með gömlu brellunni að koma sér hinum megin á lestarpallinn meðan lest rennur framhjá. Svo þau þrjú fara til frakkans í dansiklúbbinn hans, lenda í smá slagsmálaatriði en þau vinna. Labba svo í gegnum alla sem eru að dansa, hitta frakkann og biðja hann að leysa NEO úr prísundinni en hann vill það ekki nema hann fái bæði augun úr forriti(kannski grunnhtmlkóði, eða binaural uppsetning fyrir (þarna gömlu kellinguna)). Þau vilja ekki láta hann fá augun svo þau kýla, berja, slá og farðu svo frá. Leðurklædda þrenningin er kominn með byssu uppað haus frakkans, sem á konuna með stóru brjóstin. Þá eru allir með byssur að öllum og leðurklædda þrenningin segir ok annaðhvort deyjum við öll hérna eða þú lætur THE TRAIN MAN leysa NEO úr lestarstöðinni. Frakkinn vill nú ekki deyja svo hann leyfir þeim að gera það sem þau vilja. NEO og TRINITY kyssast og fara svo og finna bátinn hjá konunni hans Will Smiths og gefa honum start og “we went to far” gaurinn vill fá bátinn til að komast til höfuðborgar vélanna og konan hans Will Smiths leyfir honum það, ekki af því að hún trúir því að NEO sé sá eini heldur vegna þess hún trúir á hann. En hinn skipherrann var ekki sáttur og fór með svaka ræðu sem Bára botnaði á skemmtilegan hátt. Svo tekur JADA SMITH stjórnina í hinum bátnum og hún og MORPHEUS fara í gegnum vélvirkjagöng til borgarinnar hundelt af MANNDRÁPSVÉLUM en víkur nú sögunni að borginni sem er neðanjarðar. Nei fyrst, smyglar kjötútgáfan af SMITH sér inní bátinn sem NEO og TRINITY ætla að fara á til vélaborgarinnar, nei bíddu er ég að rugla hvenær er slagsmálaatriðið í rigningunni já í endann. Nú kom hlé held ég. Eftir hlé hafði hávaxinn maður sest fyrir framan Báru svo hún sá ekki neitt það sem eftir lifði myndarinnar. Og KJÖTÚTGÁFAN nær að lemja TRINITY og NEO og NEO verður blindur en nær samt að drepa KJÖTÚTGÁFUNA (af því að hann er messías). Nú þau eru á fleygiferð um vélvirkjagöngin og þá víkur sögunni að neðanjarðarborginni. Þar er allt með kyrrum kjörum, kona HLEKKSINS er að gera sprengihleðslur og systir hennar kemur og segir hvað ertað gera kondu niður í musterið þar sem við getum beðið varnarlaus eftir vélunum. Þá segir KONA HLEKKSINS ef þetta væri DOSER myndir þú ekki gera nákvæmlega það sama, grátur og svo hlaða þær sprengihleðslur, og Gaui hlær. Allir í THE DOCK eru komnir í vélmennamúnderíngu og tilbúnir fyrir vélarnar. Þegar þær bora sig niður um hvelfinguna og nei fyrst er einhver aumingja strákur að missa allt niður um sig og goðsagnakenndi hershöfðinginn dissar hann en gefur honum samt góð ráð. Og bor vélanna dettur niður á botn. Svo koma MANNDRÁPSVÉLARNAR og þvílík skothríð frá vélmennamúnderingunum að opinu að vá bara. Allt er á suðupunkti þá kom hlátur frá Agga. Nú allt í einu eru allir í vélmennamúnderingunum dauðir og hershöfðinginn drepst og viti menn litli aumingja strákurinn fer í vélmennamúnderinguna og labbar að hliði 3 því þar er bátur á leiðinni inn. Eftir æsilegt flug konu Will Smiths í gegnum þröng vélvirkjagöng komast þau að hliði 3 en allt er lokað fokk. LITLI AUMINGJASTRÁKURINN nær að koma sér í skotfæri en þá kemur MANNDRÁPSVÉL og hendir honum á hliðina eða nei kona HLEKKSINS nær að skjóta eitthvað og svo næst að skjóta keðjuna í sundur og hleypa bátnum inn svo hann getur gefið frá sér RAFEINDAPÚLS og allar vélarnar deyja og allir glaðir nema LEIÐINLEGI GAURINN sem rífst og skammast því hann fær víst ekki lengur að ríða konu Will Smith(í myndinni nota bene) og segir að varnarkerfið sé dautt og þá kemur ský af MANNDRÁPSVÉLUM inn í THE DOCK og allir fara inní musterið en vélarnar komast þangað líka og setja svo upp loftnet því það eru fréttir í höfuðborg vélanna. En þangað komst NEO og TRINITY á bát og NEO stoppar allar sprengjurnar úr varnarkerfinu og svo deyr TRINITY og NEO enn blindur talar við aðal vélina og sannfærir hana um að AGENT SMITH sé orðinn of máttugur fyrir hana. Vélin segir fyrst I CAN TAKE CARE OF MY SELF en gefst svo upp og tengir NEO við matrixinn þar sem SMITH er að leika sér að samlagast gömlu kellingunni THE ORACLE. NEO og SMITH slást í rigningunni og Gaui var ekki sáttur. Svo nær NEO að samlagast SMITH og eyðir honum svo og öll afritin eyðast líka. NEO og vélin verða vinir og vopnahlé næst. Allar MANNDRÁPSVÉLARNAR í neðanjarðarborginni hætta að drepa og bara fljúga. Þarna endar myndin……………..drasl. Svar við mörgum spurningum kemur ekki fram. Fær NEO sjónina aftur? Lifnar TRINITY við? Giftast þau? Enda MORPHEUS og KONAN HANS WILL SMITH saman? Hætta vélarnar að safna orku í gegnum mannslíkamann? Ná þau að eyða eiturskýinu? Hvað endist friðurinn lengi og fara þau ekki að rífast aftur? Það vinnur enginn og engin tapar fáir deyja! ARKITEKTINN og THE ORACLE tala saman og fjölga spurningum sem ekki verður svarað.

Séra Jón.blogspot.com

Mig langar í kók.

ÉG er enn og aftur nýbúinn að missa myndavélina mína í gólfið........... aaarrrrrgggg ég þarf að eyða aftur hárri fjárhæð í viðgerð.

Ég er kominn með lag á heilann nema það að ég man ekki alveg hvernig lagið er né textinn. Man bara smá lagabút, nema ég er búinn að gleyma honum og það eina sem ég man er, að þegar ég var að muldra þetta í morgun meðan ég var að vakna, fannst mér lagið vera líkt einu Pulp lagi sem ég man ekki hvernig er. Það er reyndar ekkert lýkt því, bara líkt einum gítarhljóminum í einu laganna af Different Class disknum. Svona er líf mitt óljóst á köflum.

DV farið á hausinn enn eina ferðina. ÉG byrjaði minn atvinnuferil sem úthringjari hjá því ágæta fyrirtæki í febrúarmánuði árið 1996 þegar ég var í tíunda bekk. Vann við að hringja í fólk og spyrja það hver væru bestu lögin á Íslandi þá stundina nema í staðin fyrir að spyrja hver væru bestu lögin þá spurði ég hvernig þeim fannst þau 40 lög sem ég var með á blaði hjá mér (eitthvað crap sem Bylgja hafði valið) svo spilaði maður fyrir liðið upptöku með lagabút af 30 lögum af þessum 40 sem ég hafði nöfnin á og fólk gaf einkunn 0 = þekkti ekki 1 = ömurlegt 2 = aðeins minna ömurlegt = 3 smá ömurlegt = 4 ekkert svo ömurlegt = 5 varla ömurlegt á einhver bleik & blá blöð, skrifaði með blýanti númer 2 (held ég) í reitina. Í fjóra tíma svo keypti maður sér franskar í Svarta Svaninum í pásunni. Svo framkvæmdi maður skoðanakannanir um pólítík annaðslagið.

Framhandleggurinn á mér er orðinn svo massaður að ég held bara ég þurfi hvað úr hverju að bæta við auka hlekk á Festina úrið mitt!

Ég vaki langt frammá nætur, .....djöfulsins drasl..... crap in bæði....... ég ætla að vakna klukkan 07:00 á morgun það virkar best, til að stilla líkamsklukkuna. Gamli skólatíminn alltaf klassískur ég er að spá í að taka jafnvel strætó korter í átta niðrí FÁ. Svona eins og maður gerði fyrir nokkrum tugum mánaða síðan. Hmm nenni því ekki svo kannski maður taki bara ræktina snemma og hvað er meira hægt að gera svona á morgnana...... já fer á bókasafnið og næ mér í einhverja sögubók og svo fer ég og fæ mér kleinu og kókómjólk.......... margt hægt að gera á morgnana í staðin fyrir að sofa......hvaða sögubók samt hmmmm jú auðvitað sögu Súmera og les í leiðinni Gilgameskviðu eins og ég hef ætlað að gera svo lengi...

Kannski maður ætti frekar að fara í Framsóknarflokkinn í staðinn fyrir að verða Frímúrari???

Vá hvað Framsóknarflokkurinn ræður miklu. Núna hefur Bananaríski herinn frestað uppsögnum og ætlar að hafa samráð við Mafíu Íslands varðandi sparnaðaraðgerðir.

Þennan er ég að angra núna

Ég meina offita og fíkniefnasýki er það! og líka ljótar konur, Heiðar snyrtir sagði það.

Er nærsýni ekki bara aumingjaskapur?

Bolgið eitthvað að taka við sér Hojkur byrjaður aftur og sona.

Eplasnafs unaðslegur drykkur. Perusnafs alltílagi drykkur.

kannski maður kaupi harðan disk en þeir eru svo dýrir á fartölvur, já ég veit ég kaupi utanáliggjandi en þeir eru svo dýrir, já ég veit ég kaupi harðan disk fyrir heimilistölvuna en þá þarf alltaf að vera kveikt á henni þegar ég hlusta á tónlist!!! Djö kannski ég breyti gömlu 486 í geymslumiðstöð, einskonar server ef það er hægt? Ég óska eftir hjálp við uppsetningu stafrænnar vöruskemmu.

Hugsi hugsi

Eins og hún þoli ekki mikla vinnslu

Tölvan er meiraðsegja orðin frekar hæg og alltaf einhverjir böggar að koma upp

Drasl, er búinn að fylla harða diskinn og hvað á maður að gera? Ekki fer ég að eyða út ljósmyndum til að skapa pláss. Ekki hreinsa ég út hljóðskrárnar. Varla snerti ég á öllum þessa hugbúnaði sem ég hef samþykkt að setja upp á tölvuna. Það þori ég ekki, svo spurningin er hvað gerir maður? Ég treysti nefnilega ekki geisladiskum til að varðveita gögn án vandræða.

Þá eru nýjustu tölur komnar í hús varðandi hvaðan fólk kom inná Jón Minn í október 2003. Fimm efstu eru eftirtaldir

1. sæti Oddný www.janei.blogspot.com með 89 tilvísanir
2. sæti KGRP www.kgrp.blogspot.com með 88 tilvísanir
3. sæti Bryndís www.bilahora.blogspot.com með 81 tilvísun
4. sæti Agnar www.agnarbragi.blogspot.com með 76 tilvísanir
5. sæti Tilveran www.tilveran.is með 54 tilvísanir

Aðrir voru með minna, til dæmis Margrét www.gellfromhell.blogspot.com, Björgvin adsl1-164.simnet.is/bosi/?s=blogg, Steinunn www.stonewave.blogspot.com, Auður www.augnpot.blogspot.com, Anna www.annrik.blogspot.com, Batman www.batman.is og Þorvaldur auk ýmissa minni spámanna.

Vinningshafar getað vitjað vinninganna sem ég geymi í fórum mínum, hvenær sem þeim þykir heppilegt.

virðingarfyllst, Jón Minn.

Gleðilegan nóvember.