Maður er manns gaman.

Ég á stórafmæli í haust. Ætla að halda heljarveislu. Er þegar búinn að bóka mér hljómsveit. Einnig veit ég um veitingamann með þekkingu og áræðni. Hafði hugsað mér full aðkeypt aðföng fyrir gesti svo engin þurfi að lifa við hungur, þorsta eða fara á mis við lífsnautnir í sjálfu afmælinu.

Mun réttlæta þetta eins og svo marga aðra vitleysu sem ég hef látið eftir mér í gegnum tíðina með þeirri einföldu staðhæfingu að maður veit aldrei hvað morgundagurinn ber í skauti sér.