Nú er KB banki farin að bjóða betri lán fyrir dugandi landsmenn. Ég hvet alla til að skipta yfir sínum viðskiptum og njóta þessara kjara ef fólk er ekki nú þegar í hinum geysivinsæla banka, KB banka.

Að öðru leyti sé ég mig knúinn til að upplýsa að ég hef ákveðið að selja helming eignahlutar míns í Actavis nú þegar gengið er aftur komið í 46 á hlut og kaupa fyrir fjórðung í Bakkavör og hinn fjórðunginn í okurbanka. Fyrir á ég nokkrar krónur í KB banka sem ég mun ekki hreyfa við enda arðsemin ásættanleg.

Næst á dagskrá er að þvo og pakka fyrir útlandaferðina. Með í för verða einar buxur, ein langerma skyrta, þrír til fjórir stuttermabolir, nægilega margar nærbuxur, rakvél, tannbursti, skópar, inniskór, sokkapör þrjú, fyrirframgreitt ISIC kreditkort, Atlas kretidkort, vegabréf, E 111, F+ skírteni og eitthvað fleira en allt saman skal þetta rúmast í fyrirferðalitlum bakpoka annars fer það ekki með. Það sem vantar er hægt að kaupa úti enda býr fólk þar líka og stundum fær það allt sem til þarf til að geta lifað eðlilega án þess að koma til Íslands.