Ég fór til læknis í gær vegna heilsu minnar og eftir nokkra bið tók á móti mér ung læknissnót. Hún tróð löngum eyrnapinna uppí kok og ég kúgaðist. Svo vildi hún skoða á mér bakið og andsk. ég að hafa ekki mætt í rækt lengi. Bakið er svosum í fínu lagi, fiskur um hrygg vöðvar á víð og dreyf svo ég sperrti bara og vonaðist eftir hrósi um þolfimilegt eða kraftajötunslegt bak...

eftir það hrós fór hún að pota í bakið á mér og strauk yfir einhvern blett og ég fékk gæsahúð. Svo fór hún að plana næsta stefnumót okkar á læknastofunni, spurði hvenær ég væri laus í eitthvað bóguslæknisfjarlægingueitthvað og sagði að það þyrfti allavega tvo tíma í verkið... Woh hún vildi mig...

en þar sem ég var ekki alveg nógu ánægður með hvaða áhrif það hefði á fjölskyldu mína ef við myndum á endanum gifta okkur, s.s. að hún er læknir og þyrfti að vinna rosa mikið og sona, auk stress vinnu þar sem ég yrði mjög líklega Einvaldur einhvers ríkis og hún yrði að hætta að vera læknir sem væri mjög ólíklegt hún myndi vilja það.

Vegna þessara greinilegu árekstra sem kæmu til í framtíðinni ákvað ég að taka ekki við þessari viðreynslu og sagði að ég myndi bara hringja í hana ef mig langaði í þessa aðgerð við tækifæri... hún virtist fúl að sjá, svona er þetta bara vinan sagði ég við hana um leið og ég brosti valdsmannslega til hennar...

Hefði kannski átt að fá nafnið hjá henni?