þriðjudagur, janúar 20, 2004

Ég vil þakka þeim sem hugsuðu hlýlega til Míns herra í veikindum Minns. Hinir geta étið það sem úti skítur. Sem minnir mig á það að senn kemur vorið með blóm í haga og svo framvegis.

Þá þarf að plana, hanna, byggja, smíða og reisa dagskrá sumarsins.

Því eins og enginn veit með vissu rennur sumarið manni oft úr greipum án þess maður geti nokkuð að því gert nema með barnalegri undrun talað um hvað blómið og fuglarnir flugu hjá í snatri, um jólin.

Svo ég hef ákveðið ásamt mínum hirðmönnum að skipuleggja á markverðan hátt hvert það atriði sem gjöra skuli þetta sumar sem senn er liðið í aldanna skaup (annars mjög lélegt skaup '03)

Heilt skemmtiatriði fyrir almenning er komið á hreint og þá vantar bara eitthvað að gera 17. júní eins og sultuganga því ég er bara ekki nógu stór óstuddur til að labba meðal risanna staurfótalegu.

Fara á námskeið í söng og gítarglamri en það hefur reyndar verið á dagskrá síðan ég bara man ekki hvenær og aldrei hefur þetta farið eftir eða heppnast.

Annað sem ákveðið verður mun dvelja innra með mér næstu mánuði meðan ég stunda lærDÓM og líkamsræktardýrkun af fullum krafti, og ótæpilegum, með hjálp ólöglegra vöðvaaukandi efna sem munu vonandi hjálpa mér við sjálfsdýrkun mína en eins og margir sem vita hvernig ég lít út vita þá nýt ég þess blessunarlega að vera ástfanginn af sjálfum mér.

Sem og ég mun keyra um á nýja bleika bílnum mínum (hann verður bleikur eftir að ég er búinn að sprauta hann) sem ég mun ekki fjárfesta í bráðlega.


Að öðrum kosti vil ég biðja fólk að safnast saman og hlíða á litla orðræðu um aðferð sem mér var að detta í hug að henda á loft fyrst mér er sama um alla nema þig lesandi góður......


Þar sem rassinn hvílir þar á ég heima!

Úti eru veður váleg!

Er maður fullur ef dósin er full?

Þegar piparkökur bakast, bakast piparinn fyrst!

Þessa málshætti rakst ég á í afkima hugans þegar hann reikaði þangað í miðri ólifnaðarflensu.

Gaman annars hvað mikið maður hugsar í ólifnaðarflensu ég vildi ég hefði látið upptöku í gang þegar mest gekk á.



Annars er ég byrjaður í HÍ (Helvítis Ísingerði)