Svo er MUSE á morgun jessssssssssss ég lagði á minnið fyrir þetta 4 árum þegar diskurinn þeirra Showbiz sem sló semi í gegn, að söngvarinn heitir Matthew Bellamy. Annars hef ég alltaf verið á leiðinni að velta mér uppúr þeim en hef alltaf hætt við þegar nýr diskur hefur komið í búðir þar sem mig langar að vera óútreiknanlegur og reyni að vera frekar jaðar [Tom Jones(áður en nýja draslið kom), Engelbert Humperdinck, Manic Street Preachers(flestum er illa við þá), Grant Lee Buffalo, svo ég skrifi smá hluta og hinn og þessi samtíningur] og um daginn ætlaði ég að velta mér uppúr Muse í ró og næði þá bara eru auglýstir tónleikar. Svo ákkúrat 9 tímum áður en byrjað var að selja miða á þá er ég staddur á Laugaveginum í vægast sagt vafasömum tilgangi, og hitti þar Óla snilling og fyrst hann ætlar að bíða í röðinni alla nóttina læt ég hann hafa klink sem ég var með á mér og læt hann kaupa fyrir mig miða. Ég hef góða tilfinningu fyrir þessum tónleikum, þeir eiga eftir að verða öskrandi.