#1346

Kláruðum ritgerð í gær, enginn bjór.

Frekar slappt, en þegar maður er búinn að taka 12 daga í röð frá 8:00 til 18:00 er maður ekki í skapi fyrir neitt nema svefn.

Gamli gamli gamli gamli gamli gamli gamli gamli.

Gleðileg jól allir lesendur þessa forna bloggs.

Náði að setja ljósin á hjólið mitt, svona segulljós sem gefa manni ókeypis rafmagn. Það er þau nýta sér hreyfingu sem hvort eð er fer fram til að búa til rafmagn.

En ég setti þau vitlaust á!!! Hey hér gæti ég sagt afturábak.... en nei það er ekki svo gott ég setti framljósið einfaldlega hægra megin frekar en vinstra megin.

Sem þýðir ég þarf að gera þetta aaaalllt aftur, það er í raun bara kuldinn sem er erfiður.

Endurstillti teljarann minn. Óguð ef enginn skyldi koma og lesa, þvílík skömm það væri

Já sæll

Ég held úti kommentabloggi á moggablogginu, jonfinnbogason.blog.is, svona til að fá rushið sem fylgir því að fólk les mann.

Annars er ég orðinn frekar úrkula vonar um að nokkur maður muni nokkurn tíman aftur fara á Jón Minn og lesa.... extreme trackerinn segir að það séu bara google leitir sem fara hingað inn, enginn venjulegur lesandi... úff. Vá hvað ég verð glaður þegar fyrsta kommentið birtist.... hint hint

Gleymdi USB kubbnum mínum í skólanum í gær, vaknaði því eldsnemma í morgun og hoppaði í strætó í kappi við að ná í kubbinn áður en nokkur annar stæli honum. Heppnin var með mér, hann var þarna enn. Þá var ég vaknaður fyrir allar aldir og ekkert annað að gera en að fá mér gott borð í Solbjerg. Núna er allt fullt en ég með þetta fína borð, reyndar get ég ekki rétt almennilega úr fótunum því það er gler fyrir. Man hvað það var alltaf þægilegt að fara á hlöðuna, nóg pláss og víð borð, hér er ekkert pláss.... baunar

Djöfull gengur ekkert að skrifa, ég er búinn að finna út hvaða structure af þessum 4 sem bókin stingur uppá eigi við case-ið okkar en alltaf þegar ég ætla að skrifa af hverju virðist ég ekki finna rétta tilvitnun....

ok þá verð ég að bæta einni hressi frétt við, annars halda allir að Jón Minn hafi í raun orðið kreppunni að bráð en ekki góðærinu.... Jú ég er með eina, hún er slæm. Við vorum að plana hópavinnuna fyrir ritgerðaskilin og Christine minntist á jólainnkaup, ég sagði niðurlútur að það yrðu engar jólagjafir hjá mér. Það var löng þögn. Kreppan át jólin, þær vorkenndu Íslandi.

Ég er ansi hræddur um að allir séu hættir að lesa Jón Minn. Góðærið át hann eiginlega, en nú er víst komin hallæri:) Svo kannski ég fari að venja reynslusögur á bloggið.

Ég var að setja segulljós á reiðhjólið áðan, keypti græju í Fotex á 109 kall. Þegar ég var að setja þetta á hjólið komst ég að því að þetta passar ekki. 

Vá hvað ég var hissa, af hverju koma svona hlutir bara fyrir mig? Staðlaða segulljósið sem allir eru með passar ekki á hjólið mitt!!! Úff, ég virðist alltaf lenda í hlutum sem enginn annar á í vandræðum með. 

Jæja, meira seinna. Á að vera að skrifa minn hluta í hópritgerðinni.

Nýja Ísland

Þá er þetta partý búið, þeir sem ældu á teppið er ekki boðið þynnkumatinn.

Liðið sem lækkaði bindiskyldu bankanna verður að koma koma sér út í leigubílinn, sem er búinn að bíða í allan morgun í innkeyrslunni.

Liðið sem lánaði húsnæðislán á yfirdrætti og hafði eftirlit með að það væri stöðugt þarf að hætta að eðla sig í sófanum.

Fólkið sem trúði krókudílamanninum er beðið að koma sér uppá neyðarmóttöku.

Nágrannarnir eru hættir að biðja okkur um að lækka í okkur og farnir að hlægja.

Gaurinn sem ákvað að besta leiðin til að auka traustið væri að auka innlán og blandaði saman ólíkum drykkjum í bolluna, þarf að redda þeim sem drukku. Annars verður ekki annað partý.

Löggurnar sem komu útaf hávaða en duttu í það með okkur eru vinsamlegast beðnar um að hypja sig.

Já og svo eru allir fáránlegir ef við gerbreytum ekki stjórnkerfi okkar á næstu 5 árum.

Úff google að standa sig. Google sendir svo mikið af liði inn á þessa síðu. Fólk googlar "Jón Stóra" í tíma og ótíma, ég hefi aldrei verið kallaður þetta en fann samt góða mynd af mér við leitina.

Það er gaman að halda þessari síðu opinni, mikið af gömlu stuffi að lesa, ég nenni reyndar ekki að lesa það en en en þegar ég verð gamall og ljótur þá ætla ég að lesa þetta fyrir starfsfólkið á öldrunarheimilinu hátt og skýrt frá upphafi til enda.

Thessvegna hefur internetid breyst.

Þeir segja að bloggið sé dautt. Það er að vissu leiti rétt en samt ekki.

Bætti við Slóveníu á skrá yfir lönd sem ég hef farið til.

Ég er fullur eftirvæntingar

Glæsilegt.

Ég er með sögu að segja, safnist um mig

How I Met Your Mother Eru æðislegir þættir, fyrsti þáttur hér.

Balaton vatn er æði, farið þangað. Ég nenni ekki að skrifa ferðasöguna en Bryndís datt af gölnum hesti, sjá mynd af random Ungverskum hestum.



Svo var Blátt Lón þarna en það var kalt, googlið Heviz lake.



Svo er allur matur snilld, prófið það sem þið kannist engan vegin við af matseðlinum, nema fisk.

Þarna var hellir sem hægt var að sigla um undir einum bænum við vatnið.

Vínkjallari.

Fullt af öðru sem ég man ekki. Núna er ég bara að horfa á how i met your mother, reyndar tætti ég alla þættina í mig síðustu 2 daga.

Svo kannski byrja ég að læra

Kominn heim eftir Ungverjalandsferð.

Æðislegt

Dreif ekki niðrá Nörreport í morgun. Of gaman í gær

Today the rain came down sideways just like back home.

Er að prófa að blogga á ensku, ætla að byrja á þessari setningu, kannski verða næstu útlensku erlensku setningar skemmtilegri. Við getum bara wait and find out.

Leiðinlegt að hjóla í svona rigningu, langar næstum að fá mér strætókort. En reyndar herðir það mann að hjóla við erfiðar aðstæður. Ég mun þó aldrei hjóla brekkur nema einu sinni hverja.

Idiocracy

Það verða allir að sjá þessa mynd. Hún fjallar um framtíðina eins og verður vafalaust.

Traustvekjandi peningar framtíðarinnar.



That's what I am talking about.

Sjónvarpsefni framtíðarinnar.



Engin ástæða til að taka auglýsingahlé því auglýsingarnar eru hvort eð er alltaf á skjánum.

BRAWNDO



Svo er öllu skolað niður með Brawndo.

Ég er orðinn harður fylgismaður þess að Vetni verði orkugjafi framtíðar.

Metan og lífrænn massi er einungis annað nafn á olíu og kolefnisorkugjöfum ásamt því að skapa sama CO2 losununarvandamálið.

Vonandi verður þetta þannig að maður keyrir vetnisbílinn sinn að orkustöðinni og þar er vatn á tank eða vatn úr á tengt við rafmagnslínu sem efnagreinir vatnið um leið og því er dælt á bílinn.

Fékk hugmyndina hjá http://svavarjonatans.blog.is/blog/svavarjonatans/.

Fór á leikinn í gær á Glaða Grísnum. Manchester 1 - Lyon 0.

Er búinn að fara mikið á fótboltaleiki undanfarið því strákarnir eru ManU fanatiks. Sjálfur er ég Swindon maður en í rauninni lítið fyrir að fylgjast með íþróttum. Á meðan aðrir tjá sig yfir byrjunarliðinu hugsa ég fyrst og fremst um nöfnin á gaurunum og hvaðan þeir eru.

Reyndar er ég harður FCK maður en það er ekki enska deildin.

Það er alltaf spurning hvort maður verður formlegur stuðningsmaður einhvers af þessum liðum sem eru alltaf í sjónvarpinu eða ekki. Swindon komust í sjónvarpið 2003 á móti Leeds í einhverjum bikarúrslitaleik en ég vissi ekki af því fyrr en mánuði seinna.

Ætti maður að "velja" annað lið og jafnvel fara í búning? Ég veit það ekki en eitt er víst, ég mun aldrei halda með Stoke.