Síðustu vikurnar hef ég ferðast um á Strætó. Þar eð bíllinn er enginn.

Það er nokkuð stresslosandi að sitja í strætó með iPodinn sem ég hef ekki notað af viti fyrr en í þessum nýju strætóferðum. Það sem fylgir þessum löngu stjórnlausu ferðum er líka mikill þankagangur, þ.e. maður hugsar mikið. Til dæmis hugsar maður, af hverju er ekki undirgöng með lest undir miklubraut? Af hverju er ekki Fréttablaðið í strætó. Af hverju syngur maður ekki með tónlistinni eins og í bílnum? Af hverju er verið að búa til vandamál með stöðu mála í Íran? Af hverju eru kínverjar að fjárfesta í Afríku? Af hverju var malbikið á strætó akreininni haft rautt? Af hverju er ekki ókeypis í strætó? Af hverju keypti ég mér ekki video iPod. Af hverju skrifaði Sandy undir blaðið fyrir Ryan? Af hverju er ungt fólk í meirihluta öllum nýjum atvinnugreinum? Af hverju er sagt að fólk geti ekki lært ný tungumál á gamals aldri? Af hverju er svona mikið skrýtið illa lyktandi fólk í strætó?

Sjávarkjallarinn í gær, Bautinn næstu helgi

Peter Crouch er stolt stóra mannsins... ég ætla rétt að vona að England vinni HM 2006 og Peter Crouch skori sigurmörkin í öllum leikjunum.

Over

Ég er búinn að vera með þessa síðu í 3 ár núna, Fyrsta færsla mín endar á þessum orðum "...ef þessi síða endist eitthvað hjá mér."

Fyrst var ég orðheppinn og snjall. Allir sögðu mér síðan væri fín.
Svo bætti ég við myndasíðu og dró úr skrifum. Allir sögðu mér myndirnar væru sagnfræði.
Svo hætti ég að bæta við myndum og fór að skrifa um eitthvað sem enginn nennir að lesa um. Allir sögðu mér ekki neitt því flestir eru hættir að lesa síðuna.

Ég vil halda áfram með síðuna og eins og ég hef sagt áður þá mun bloggið verða óáreiðanlengt frammí fingurgóma til eilífðar, það breytist ekki.

Það sem mætti breytast eru komment... ég elska að lesa komment... komment hvetja mig til að skrifa. Því hef ég ákveðið til samræmis við setninguna mína hér að ofan að byrja að kommenta á allt og alla um allt og allt...

Viva las Vegas. Svo er mér sagt það sé Out að blogga???? Eða svo ég vitni í 4 ára strák sem sagði að bolluvendir hefðu verið hipp og kúl í "gamla daga" þá var bloggið hipp og kúl í gamla daga... Í dag er það frammistaðan í kjötheimum sem gildir:)

Sæl

Útskrift hjá Agnari í kvöld. Glænýr Stjórnmálafræðingur bætist í umræðuhópinn í Silfri Egils. Hvað ætli líði langur tími þangað til Agnar verði boðaður í morgunverðaumræður og helgarhádegi í sjónvarpinu?

kv, JF

Góðir lesendur

Hvar er nýji færibanda Sushi staðurinn?

Ég held að Google sé ekki nógu góð leitarvél, skilar ekki alltaf þeim niðurstöðum sem mann vantar. Eins og áðan var ég að leita að einhverju í sambandi við "Kröfur Nútímans" en fann ekkert sem hægt var að byggja á. Greinilegt er að Google metur ekki upplýsingar. Í gamla daga gastu ekki gefið út efni nema þú værir mjög gáfaður (ríkur) eða værir mjög gáfaður og fyndir þér ríkan mann til að gefa efnið út. Nú til dags geta allir tjáð skoðanir sínar og skrásett það með aðgengilegum hætti. Þetta þýðir að það er til einskis að leita að einhverju því þegar þú finnur það eru allir bjánar í heiminum búnir að skrifa býsnin öll að vitleysu um það atriði og maður þarf að byrja á því að feta sig í gegnum það, sem er heljarvinna sem leitarvélin ætti að vinna fyrir mann.

Sá Tinnu Alavis aftur um helgina, hún er víst að elta mig þessa dagana. Ég er samt svo óheppin, hún er annaðhvort hinum megin við lestarteinana, glerið, ánna, sjónvarpið, tölvuskjáinn eða í öðrum bíl svo ég hef ekki getað sagt henni brandara eða hvað sem ég geri sem gerir stelpur æstar í mig.

Styðjum Silvíu Nótt

Hvar er undirskriftarlistinn "Björgum þátttökurétti Silvíu"?

Til hamingju Ísland með Silvíu Nótt

Nýjustu tækni og vísindi: Neytendamál Internetsins.

Símafyrirtæki eitt í Frakklandi hóf í síðustu viku að bjóða viðskiptum sínum uppá að senda tölvupóst sín á milli endurgjaldslaust, en hingað til hefur kostað um 10 íslenskar krónur að senda hvert skeyti (email). Ástæðan fyrir gjaldinu hingað til hefur verið að kostnaður við viðhald og uppihald á póstþjónum, er íþyngjandi fyrir fjarskiptafyrirtæki.

Fyrirtækið sem um ræðir, Courrier d'Internet, verður þó ekki af neinum tekjum því að miklu leiti er um breytingu á gjaldskrá að ræða. Aðspurður sagði talsmaður fyrirtækisins að ástæðan væri einfaldlega sú að utanumhaldið með því hversu mikill póstur væri sendur frá hverjum notanda og hversu mikil gögn að meðaltali fylgja þessum sendingum væri íþyngjandi rekstrinum. Betra væri að rukka mánaðargjald, auk þess væru neytendur ánægðir með breytinguna. En umrætt félag sérhæfir sig í sölu á hugbúnaði til að senda og fanga tölvupóst en hefur farið halloka í samkeppni við Soit, tölvudeild Standart Oil. Talsmaður Soit lét hafa eftir sér á vörusýningu nú um helgina að gersamlega glórulaust sé fyrir frakkana að brydda uppá þessari breytingu, það væri hreinlega alltof dýrt að gefa þessa þjónustu. Þrátt fyrir það býður Póstur & Sími öllum sínum viðskiptavinum helmingsafslátt af tölvupóstsendinum milli 18 og 21 virka daga í allt að 4 fyrirfram skráð tölvupóstföng, að hámarki 2svar á kvöldi. Meðalmaður sem sendir um 4 tölvupósta á dag eyðir um 14.000 á ári.

Þróun internetsins hefur verið frekar hæg undanfarin ár, eftir mikla tæknibólu í kringum 1980 þegar vísindamenn og tölvarar komu fram á sjónarsviðið með samskiptastaðal til að flytja skrifað efni stafrænt á milli tölva. Vonir standa til að nýr hugbúnaður Google eigi eftir að hleypa lífi á rafræna markaðinn.

Einnig hefur verð netþjóna sem hýsa allan tölvupóst lækkað umtalsvert í kjölfar flutninga tölvuframleiðslufyrirtækja til þróunarlandanna einnig er verð á hráefni orðið mjög lágt í kjölfar á uppgötvunum Íslenskrar Erfðagreiningar á því hvernig hægt er að framleiða kísil í miklu mun meira mæli en áður hefur þekkst.

Tryggjum strætóferðir til Keflavíkur árið 2006!

Ég á 8 fjögurra blaða smára.

Hver á eiginlega tunglið?

Get ég sett upp Helíum-3 námu þar? Hver ákveður eignarétt á tunglinu? Hafa Sameinuðu Þjóðirnar eitthvað með það að gera?

Eignaréttur:

Ef ég bý til eitthvað úr engu, þá má ég njóta þess! Ef ég bý til eitthvað úr einhverju sem einhver eða einhverjir aðrir eiga eða hafa átt skulu báðir aðilar að slíkum samning að njóða ágóðans?

Ég er ekki nógu ánægður með skilgreiningu eignaréttar, hún gerir ráð fyrir of mörgum atriðum sem eiga ekki við rök að styðjast. Lögfræðin er dugleg að útskýra svonslagt hluti. Til dæmis byggir lögfræðin á óvissum grunni gamalla venja og fordæmis. Lögfræðin byggir eiginlega bara á þeirri reglu að ef hlutur hefur viðgengist nægilega lengi, skráður eða ekki, til að fólk sé hætt að rökræða hann þá er hann kominn í fastar skorður og ekki megi hreyfa við honum. Allt nýtt sem kemur fram byggir einnig eða er tengt við þennan grunn.

Of flókið er fyrir mannkyn að leiðrétta þetta. Því af hverju ætti fólk að ígrunda þessa hluti þegar það getur fengið sér mat, drykk og snúið sér við dáleiðandi tónlist og samræður við misvitra ásamt þægindum núverandi venja?

Ég vil hins vegar benda á það að bráðum verður tunglið líka gefið einhverjum námufyrirtækjum, rétt eins og ófæddur þorskur var gefin útálandiliði.

Ég ætla að kaupa hlutabréf í námufyrirtækjum sem fá að fara til tunglsins að veiða helíum-3.

Ég er sáttur en samt frekar upptekinn

Við fórum strákarnir í bíó í gær. Kevin Costner lék kvennabósa sem hafði tekið mæðgur á á löpp fyrr á árum. Myndin gerist árið ´99 og fjallaði um æsilegt kapphlaup hans að ná ráðandi hlut í vefleitarvél í miðri netbólunni. Ásamt skýrrmyndum af honum halda ræður og drekka martíni með fína og fræga fólkinu. Svo flaug hann á vínekruna sína með hjásvæfu sinni sem sagði honum svo upp því hann var of gamall..

Costnerinn klikkaði þarna. Seinna var mér sagt þetta væri stelpumynd - ég skil ekki! Getur einhver útskýrt?

Enn ein helgi liðin. Sagnfræðidjamm hjá Pétri Óla á fös... skildi óviljandi eftir stóra blá gin hjá kalli. Bransabrandarar og fréttir af óléttu Canis gerðar opinberar Þá voru vindlar teknir fram og skálað í koníakstaupum.

Verst að þeir eru allir að klára á næstunni og ég enn á byrjunarreit. Ég réttlæti það þannig ég sé búinn að ná mér í svo mikla reynslu :/

Djammidjamm...

Hlutabréfamarkaðurinn liggur hátt þessa stundina, vonandi er hann ekki of teygður.

Annars heimsótti ég í kvöld vin minn þar sem hann sat iðinn og hringdi út fyrir prófkjör stjórnmálamanns. Þeir nota lotus notes, í verkið. Hann sagði mér frá skemmtilegri nýbreyttni sem símafyrirtækið síminn hefur innleitt. Stafrænt sjónvarp í gegnum adsl - hann sagði Breiðbandið væri drasl sem enginn notaði.

Hann sagði líka að ungir trúarhitamenn í Íran myndu bráðlega leiða landið í aðra dýrlega trúarbyltingu, með nútíma her á bak við sig væru þeir óstöðvandi blessðir kopparnir.

Annars er 2/3 grænmeti daglegt gróft brauð og engar franskar.

Bíllinn minn þolir ekki svona saltan snjó og neitar að færast upp brekkur og í gegnum ökladjúpan snjó - nema þegar Andri er nærri þ.e.a.s. hvíta þruman hans.

House vann golden globe og ég fór á jarhead sem ég hélt fyrst væri fornt arabískt orð en er í raun amríska yfir hálfbjána eins og þeir hétu í fyrri styrjöldinni.

Ég er það sem Ég borða. Hér er aðgerðalistinn eftir lestur 2. persónu bókarinnar.

Hætta og fækka:

Frönskur
Molar sterkir
Gos
Meirihluta kjötát
Skot & Bjór
Langtíma seta
Tilgangslausum ferðum milli staða

Starta og narta:

Grænmeti
Vatn
Agúrkur
Spergikál
Sjávarréttir
Ávaxtasalat, þ.e.a.s. hantera ávexti til átu
Sporthúsið
Snöggur frágangur mikilvægra mála

Gamlir tímar koma enn á ný :)

Jibbý ég hef fengi eldgamlar myndir sé ég taldi týndar - fréttir síðar

Dómsvaldið stendur sig víst ekki í að flytja almenningi fréttir af samfélagslegum atburðum. Þess vegna leitar samfélagið að öðrum leiðum til að fá að vita hvað sé í gangi.