Ahmadinejad er ekki alltof gáfaður. Að missa útúr sér að samkynhneigð þekkist ekki í Íran breytir allri umræðu í undirbúningi innrásarinnar í ómálefnalega upplýsingamengun. Alveg eins og Upplýsingamálaráðherra Íraks gerði fyrir Innrásina þangað.

Annars var ég að klára Októberfest í München, maður lifandi var það svakalegt. Við strákarnir í drykkjukeppni getur ekki endað heilsuhraust.

2000 km ferðalag er svolítið erfitt, nú er að sofa og safna orku.

Jeg hef ekki undan að gefa hjólandi dönum fimmuna, sérstaklega þegar ég bíð við gatnamót að bíða eftir græna kallinum.

Skóladagarnir byrja

Við eigum öll að kynnast í skólanum, læra nöfnin á hvort öðru og ræða saman um samfélagið í nærmynd. Þau settu okkur í orðaleik, allir áttu að standa upp sem uppfylltu einhver skilyrði. *Ertu með tattú, *Ertu í bláum skóm, *Ferðastu í Metróinu, *Blabla og svo var spurt *Ertu yfir 23 ára, og af 78 manns stóðu 13 upp.

Já annars er ég að læra á Facebook, það er gaman, og við Bryndís skrifum saman á http://2juni.blogspot.com/ um markverða hluti.

Kom á óvart hvað mikið er fjallað um Indland í netfjölmiðlum í Danmörku.

Brúskur er í heimsókn á Miklubrautinni, vont hann bilaðist við að sleppa út hér um árið. Maður getur ekki talað almennilega við hann lengur.

Síðustu metrarnir í pökkun.

x Bækur
x Diskar
x Eldhúsdót - takk Líney
x Föt
x selja sjónvarp - Bryndís seldi
x allskonar

úff

http://2juni.blogspot.com

Þetta er búið. Ég er búinn að gera upp 9 heil ár í bransanum

Eftir Kaupþing var sofið út, langþráð réttlátt snús tekið á klukkunni.

Sendi Bryndísi svo í þrefalda endajaxlatöku daginn fyrir ferðahelgina, héldum svo rakleitt í Eyjafjörðinn í afmæli og meðþví. Allt tekið af stút og einstaka sinnum hringdi síminn úr dalnum og ég náði rjómanum af því sem fór í símann frá köppunum.

Þegar sólin kom á mánudeginum var hent í okkur amrískum jeppa og risavöxnu fellihýsi (Mange tåkke:) [verð að læra dönskuna]) og héldum við Vestur á firði. í 90 ára afmæli nafna og afa.

Ég fór suður og aftur vestur til að klára ferðina, á meðan ég var rólegur í gönguskóm að ræða minkagildrur og kviðpokaseiði reddaði Brynís íbúð í danmörku, hún er yndisleg. Fogedgården 9, 2200 copenhagen. Hringið á undan ykkur.

Svo er byrjað að djúsa á ný... meira seinna

Jæja

Vinnan að klárast. Meira seinna.

Grillsamkoma

Grillaði stórsteikur, bakaði súkkulaðiköku og þreif vetrarrykið af garðstólunum á svölunum.

Síðan fylltist húsið af fjölskyldum okkar Bryndísar.

Í dag var góður dagur.

Keypti bréf í Lindex í Svíþjóð af því Greiningardeildin sagði að bréf í félaginu myndu hækka um 39% næstu 12 mánuði, búið að hækka um 2% so far. En þessi 2% gróði hverfur því Krónan er búinn að hækka svo mikið, þannig að í rauninni tapaði ég.

Ef ég hefði keypt í Atorku hefði ég verið búinn að ávaxta um 7% á sama tíma. Allt svo gott á Íslandi.

Svo keypti ég Dollara af því allir töluðu um að krónan væri að fara að veikjast, en svo segir kjaftasagan að Krónan verði mjög sterk frammá haust því Björgólfur sé að kaupa Actavis. Fólkið sem er keypt úr Actavis kaupir að hluta til í öðrum íslenskum félögum, bara spurning hvaða Atorka er mjög sennilegur kostur.

Af hverju er heita vatnið í krananum í kringum 80 gráður, ef nóg er að hafa það um 50 gráður?

Þetta verður að rata í reglugerð.

http://stillumhitann.is/

Bjarni Ármannsson græðir á tá og fingri og fólki er nákvæmlega sama.

Ætli Bjarni verði næsti fjármálaráðherra? http://mbl.is/mm/frettir/innlent/frett.html?nid=1264668 hann er í slagtogi með xs.

Svo er þessi skýringarmynd af tekjum ríkisins alls ekki nægilega sundurliðuð http://rikiskassinn.is/tekjur-rikisins/. Tekjuskattur skilar ekki nema 73 milljörðum 2005. Fjármagnstekjur rúmum 20 milljörðum.

Augljósar hugsanir um Skattamál

Það væri heppilegt ef tekjuskattur sem tekinn er af launum væri aðeins minni?

Hvernig er það:

Nægja ekki virðisaukaskattur og önnur gjöld af öllu sem keypt er?
Nægja ekki tollar af öllu sem flutt er inn?

Hvernig græðir ríkið eiginlega pening?

Ég vil vita það. Senda tölvupóst... ok skal gera það en hvert skal senda... aha ríkisskattstjóra.

Þetta er pósturinn minn
"
Sæl

Get ég fengið upplýsingar um hlutfallsskiptingu tekna ríkisins af sköttum, tollum og gjöldum?

Einnig setti ég inn tekjustofna sveitarfélaganna, ef hægt væri að koma því áfram til þeirra væri ég þakklátur.

Ríkisskattstjóri
Eignaskattur
Tekjuskattur
Fjármagnstekjuskatt
Virðisaukaskatt
Þungaskattur
Tvísköttun
Áfengisgjald
Bifreiðagjald
Búnaðargjald
Iðnaðarmálagjald
Jöfnunargjald alþjónustu
Markaðsgjald
Olíugjald
Skilagjald
Tryggingagjald
Úrvinnslugjald
Vörugjald
http://rsk.is/birta_sidu.asp?vefslod=gjold/skattar_og_gjold_yfirlit.asp&val=1.0
Tollstjóri
Erfðafjárskattur
Skemmtanaskattur
Skipulagsgjald
Stimpilgjald
Sveitarfélög
Fasteignaskattur
Gatnagerðargjald
Skattur á verslunar- og skrifstofuhúsnæði
http://rsk.is/birta_sidu.asp?vefslod=/gjold/ekki_til_a_upplysingavefnum.asp
"

Ég veit ekkert hverju þetta skilar

Hvað er að fólki, ræðandi um að endurbyggja kofana?

Það á að endurhanna þetta svæði algjörlega frá grunni.

Búið.

Kofabruni í miðbænum, nú er lag að endurbyggja samhliða upprisu tónlistarhúss við höfnina.

Mikið verður miðbærinn okkar fallegur.

This has been Guiding Light.

Vil benda ykkur á mjög frambærilegt tónlistarmyndband á síðunni hans Agnars.

Kláraði orðabókina um daginn og það kom í ljós að Öxullinn gerði það.

Breytingar til hins betra

Kók - Kolsýrt vatn

Úrvalsvísitalan er orðin að omx vísiölunni. Af hverju er það ekki mælt núna og fluttar fréttir af?

Kosningamál í vor verða

eignafærsla hálendisins til landsvirkjunar.
nagladekk og svifryk.
fjárframlög til opinberra "fyrirtækja", eða öllu heldur skort eða offramboð á þeim.
varnarmál innanhús/aðkeyptur her

Andri kominn til landsins, var að skoða ísjaka vestan Vestfjarða.

Fékk svo svakalega í bakið í gær, nei áðan, , fór því á heilsudrekann og fékk nudd og nálastungu í mjóbakið. Það er eins og að fá pínulítið raflost. Verst að ég hreyfði lakið aðeins og nálarnar hreyfðust til, vá hvað það var vont.

Já einmitt, Bryndís búin að vera úti í Ameríku alla helgina.

kv, JF