laugardagur, febrúar 28, 2004

Ég fór útúr húsi í gær á nýjum skóm og vel til hafðu eins og góðum strák eins og mér sæmir. Svo fór Minns að dansa og á einum stað við ókunnuga og hafði gaman af þegar allt í einu hoppa ég aðeins of hátt og á röngum stað og KLONG hausinn beint uppí loftið og ég verandi frekar taugaboðshamlaður þá stundina sagði bara „haha ég fékk kúlu!“ og rosagaman. Hausinn á mér er frekar afmyndaður og ef vel er að gáð er smotterís blóðskorpa til að kroppa í við svæðið. Ég hefði tekið mynd af því ef myndavélin mín hefði ekki tekið uppá því að vera batteríislaus. Ég hefði líka tekið mynd af því þegar við Jón rifumst við Björgunarsveitarmanninn Jóhannes um í hvaða átt norður væri, og hvort segurnorður væri ekki á leiðinni suður í Síberíu og væri þess vegna ónothæfur sem mælipunktur. Björgunarsveitarmaðurinn Jóhannes sagði okkur líka að Esjan væri þar sem Skarðsheiðin er og Skarðsheiðin væri þar sem Akrafjallið er og að Akrafjallið væri þar sem Eldborg er, kolvitlaus. Það var líka ansi merkilegt að á leiðinni í útfjólubláa eftirpartýið uppí úthverfinu borgaði enginn almennilega fyrir leigubílinn, nema 40 kall frá mér og einn fimmhundruð kall sem við létum ganga okkar á milli til að hann virkaði sem fjögur stykki. Leigubílsstjórinn hafði ekki undan við að leiðrétta inngang að rökfræði II í okkur og sætti sig að lokum við það að peningurinn sem hann hafði í buddunni sinni væri að mestu leyti frá okkur og við fengum fimmtíukall í afgang þar sem við ældum hvorki í bílinn né eyðilögðum eitthvað.